Një burrë është arrestuar nga policia britanike, nën dyshimin se sulmoi dhe i vuri zjarrin një burri të moshuar i besimit islam derisa ishte duke u kthyer në shtëpi nga xhamia.
Videoja e incidentit është kapur nga kamerat e sigurisë në qytetin e Birminghamit, dhe është shpërndarë në masë të madhe në rrjetet sociale, transmeton Telegrafi.
Në video shihen një i ri duke u grindur me të moshuarin, i cili është 82-vjeç. Disa minuta më vonë, xhaketa e tij përfshihet nga zjarri dhe ai dëgjohet duke bërtitur nga dhimbjet e mëdha.
“Ai foli me viktimën para se ta spërkat me një substancë dhe më pas xhaketës së tij i vihet zjarri – duke i shkaktuar djegie në fytyrë”, thuhet në kumtesën e policisë në Midland.
Viktima është dërguar në spital me lëndime serioze, megjithatë sipas mjekëve ai do t’i mbijetojë më të keqes. /Telegrafi/
https://twitter.com/AJEnglish?ref_src=twsrc%5Etfw%7Ctwcamp%5Etweetembed%7Ctwterm%5E1638194871524642818%7Ctwgr%5E329914872c80a85bca8607acc7881fd2c26ad04c%7Ctwcon%5Es1_&ref_url=https%3A%2F%2Findeks.mk%2F2023%2F03%2F22%2F82-vjecarit-i-vihet-flaka-ne-mes-te-rrugeve-te-birmingham-policia-britanike-arreston-nje-person%2F
