18/07/2024

Një burrë nga Gostivari ka ndërruar jetë sot pasi është përplasur nga një kamion betonier, njofton policia.

Sipas SPB Tetovë, rreth orës 15:30 të ditës së sotme është raportuar se në kryqëzimin e rrugëve “Goce Dellçev” dhe “Beliçicë” në Gostivar ka ndodhur një aksident trafiku. Sipas njoftimit, kamioni betonier drejtohej nga 56-vjeçari M.K. nga Belovishti i Gostivarit ku ka goditur me biçikletë një të moshuar, identiteti i të cilit ende nuk është bërë i ditur.

Në aksident personi ka pësuar lëndime të rënda trupore nga të cilat ka ndërruar jetë, njofton SPB Tetovë.

Në vendin e aksidentit është duke u hetuar nën udhëheqjen e prokurorit publik, në të cilin merr pjesë edhe ekipi nga Sektori i Punëve të Brendshme të Gostivarit. Me urdhër të prokurorit publik do të bëhet autopsi.