Sipas deputetit të posaçëm gjerman për Ballkanin Perëndimor, Manuel Saraҫin, Korridori 8 i transportit evropian është i një rëndësie strategjike për rajonin.
“Në bisedimet e mia në Sofje kuptova se Bullgaria është konfuze, por edhe e shqetësuar nga kjo kërkesë e Shkupit”, thotë Manuel Saraҫin, pasi ministri i ri I Transportit Aleksandar Nikoloski kërkoi që paratë për Korridorin 8 të kalohen në Korridorin 10.
Maqedonia e Veriut nuk i përmbushi shpresat për ndryshime kushtetuese – kusht themelor për vazhdimin e negociatave të anëtarësimit me Bashkimin Evropian. Kështu ka thënë për Radion Kombëtare Bullgare (BNR), i dërguari i posaçëm gjerman për Ballkanin Perëndimor, Manuel Saratsin, përcjell bullgar “Trud”.
Po ashtu, ai tha se korridori 8 evropian i transportit është i një rëndësie strategjike për rajonin, por sipas tij, Qeveria e re në Shkup këtë javë ka treguar se ka humbur interesimin për zbatimin e tij.
Vërejtje është se në vend të këtij korridori, prioritet i është dhënë Korridorit 10 në Shkup, i cili lidh Austrinë, Slloveninë, Kroacinë, Serbinë, Maqedoninë e Veriut dhe Greqinë.
“Korridoret e transportit në Evropë janë nën juridiksionin e Brukselit. Personalisht, besoj se nuk është në kompetencën e një vendi të ndryshojë prioritetet evropiane në politikën e transportit. Ky është një proces i gjatë dhe i ndërlikuar me shumë kontrata të ndryshme. Gjatë bisedave të mia në Sofje kuptova se Bullgaria është konfuze, por edhe e shqetësuar nga kjo kërkesë e Shkupit. Ndërtimi i Korridorit 8 është sigurisht i një rëndësie strategjike”. thotë Manuel Saraҫin për këtë temë.
I pyetur për deklaratën e parlamentit gjerman, Bundestagut, në të cilën Republika e Maqedonisë së Veriut flitet si një dejava e vendosur për anëtarësim në BE si asnjë tjetër në rajon, Manuel Saraҫin thotë:
“Për fat të keq, shpresat tona për angazhimin e Shkupit për ndryshimin e Kushtetutës së Republikës së Maqedonisë së Veriut nuk u justifikuan. Ky ndryshim është kushti kryesor i Këshillit të BE-së nga Korniza negociuese për Shkupin”, deklaroi ai.
Ai thotë se deklarata e Bundestagut kishte për qëllim të ishte një urë mbi të cilën do të kalonte lidershipi politik i Republikës së Maqedonisë së Veriut, duke i treguar njëkohësisht popullit se nuk ka arsye për t’u shqetësuar për identitetin, gjuhën dhe kulturën dhe se Gjermania është në anën e tyre.
“Por në të njëjtën kohë, ishte një sinjal për Bullgarinë se ne jemi të bashkuar në besimin tonë se popullsia bullgare në Maqedoninë e Veriut do të përfshihet në Kushtetutë”, deklaron Manuel Saraҫin
Ai beson se është një urë e bukur dhe e qëndrueshme, por pala maqedonase, siç thotë ai, ende nuk mund ta kalojë. Sipas Saratsin, Bullgaria ka shumë mundësi që përmes angazhimit të saj në integrimin evropian të Ballkanit Perëndimor të fitojë edhe më shumë respekt nga vendet e tjera anëtare të BE-së.
Ndryshe, Korridori 8 duhet të lidhë portin italian të Barit dhe atë shqiptar të Durrësit me Shkupin, Sofjen dhe Detin e Zi.
