Deputeti i Frontit Europian, Salih Murat i është përgjigjur kreut të Kuvendit lidhur me legjitimitetin.
Ai përmes një reagimi tha për VLEN-in se gënjejnë dhe se pavarësisht se kanë humbur zgjedhjet, pretendojnë se kanë legjitimitet.
Murat tutje tha se në këtë mënyrë i heq turqit dhe komuniteteve tjera për t’u bërë pjesë e aleancave dhe kerkoi nga VLEN që siç thotë, të heqin dorë nga këto qëndrime antidemoktarike dhe nga urrejtja dhe armiqësia ndaj komuniteteve tjera.
Reagimi i plotë
Dua t’i kujtoj se në vend që të bëjë komente të pabaza dhe jokonsistente që nuk i përshtaten Kryetarit të Kuvendit, ai duhet ta bëjë Kuvendin funksional, të sillet në mënyrë të paanshme dhe të përqendrohet në detyrën e tij.
Pa turp, ata kanë gënjyer publikun për muaj me radhë, së bashku me partnerët e tyre të VLEN-it. Pavarësisht se kanë humbur zgjedhjet me shumicë të madhe, pretendimi i tyre se legjitimiteti u takon atyre na heq neve turqve, romëve dhe boshnjakëve të drejtën për të zgjedhur dhe për të qenë pjesë e aleancave. Ata duhet të heqin dorë nga kjo qëndrim antidemokratik dhe i pabazuar.
Nga ana tjetër, në çfarë pozite i vendosin votat turke që ka marrë aleanca VLEN (vetëm 716 vota me Bilal Şener në zonën e tretë zgjedhore dhe mijëra vota turke në zonat e tjera) lidhur me të drejtën e tyre për të përfaqësuar shqiptarët? Në fakt, jeni ju ata që i konsideroni të pavlefshme votat turke dhe turqit që ka marrë Aleanca juaj.
Pavarësisht humbjes së madhe si në zgjedhjet presidenciale ashtu edhe në ato parlamentare, dua t’ju kujtoj thënien “pehllivani i mundur nuk ngopet me luftë” ndërsa vazhdoni të gënjeni. Ju duhet të hiqni dorë nga urrejtja dhe armiqësia që ushqeni ndaj komuniteteve të tjera.
