Zëvendëskryeministri i parë, Artan Grubi sot mori pjesë në Akademinë Përkujtimore të dëshmorit Alban Ajeti organizuar nga Universiteti i Tetovës.
Grubi në një postim në faqen e tij zyrtare shkruan se atdhedashuria e Albanit me shokë është frymëzim ndër breza, për rrugën e trasuar për përparimin kombëtar.
Statusi i plotë:
Universiteti i Tetovës ruan të përjetshme kujtimet për studentin e tij dëshmor në luftën e drejtë të Kosovës, Alban Ajetin.
Në akademinë përkujtimore me rastin e përvjetorit të 24-të të rënies së tij heroike, bashkë me kryetarin Ali Ahmeti, Kryeministrin e Kosovës, Albin Kurti, në prani të familjarëve dhe bashkëluftëtarëve të Albanit, shprehëm respektin e thellë për veprën e tij heroike dhe sakrificën sublime në shërbim të lirisë së Kosovës.
Atdhedashuria e Albanit me shokë le të jetë amanet i pavdekshëm ndër breza dhe frymëzim në misionin për të trasuar rrugën e përparimit të kombit!
Qoftë i përjetshëm kujtimi për Alban Ajetin dhe të gjithë dëshmorët e lirisë! LAVDI!
https://www.facebook.com/ArtanGrubi/posts/776931080463079
