Në seancën e sotme qeveritare është miratuar vendimi për themelimin e Galerisë në Gostivar, institucion ky i cili do të promovoj trashëgiminë kulturore të rajonit të Pollogut.
Lajmin e ka bërë të ditur zëvendëskryeministri i parë, Artan Grubi në faqen e tij zyrtare në Facebook.
Njoftimi i plotë:
Realizimi i Programit tonë zgjedhor në fushën e kulturës vazhdon të zbatohet edhe në praktikë.
Pas themelimit të teatrit muzikor në Tetovë, me kërkesë të artistëve dhe me iniciativë të deputetëve të BDI-së, sot në seancën e Qeverisë sollëm vendim për themelimin e Institucionit kombëtar “Galeria në Gostivar” me seli në Gostivar, pjesë e programit tonë zgjedhor.
Ky institucion themelohet për promovimin e trashëgimisë kulturore në rajonin e Pollogut, ndërsa mjetet e punës dhe ato financiare do të sigurohen përmes ministrisë së Kulturës dhe buxhetit shtetëror.
https://m.facebook.com/story.php?story_fbid=pfbid0NDUuVrTk92EQPoz8LzFWYtWio677kMr9SzougybWqtNdogEuU6dPKYHrTSkidaRWl&id=100044385821029&mibextid=Nif5oz
