Në Shkodër janë gati për një rikthim të bujshëm. Klubi kuqeblu u nda me Qatip Osmanin, i cili bëhet trajneri i dytë sezonal që e mbyll me shkodranët pas Migen Memellit.
54-vjeçari i mirënjohur nga Tetova bëri shumë mirë me Vllazninë, që e mori në vendet e fundit dhe e la të dytën pas Egnatias.
Dhe drejtimi i skuadrës do t’i besohet Thomas Brdaric, një trajneri dhe personazhi që në qytetin më të madh verior ngjall emocione kujtime shumë të bukura.
49-vjeçari gjerman me origjinë kroate, drejtoi Vllazninë në periudhën gusht 2020-mars 2022.
Lexo edhe:
- VIDEO/ Daku i papërmbajtshëm, pas golit vjen edhe asisti për të “blinduar” fitoren
- Ish-lojtari i kombëtares e mbyll për momentin me futbollin: Kam nevojë të pushoj!
- Man. United sërish pazar tek Interi, gati 60 mln Euro për 25-vjeçarin
- Al-Khelaifi: Laporta, kur do të heqësh dorë nga kjo idiotësi?!
Në Shkodër fitoi Kupën e Shqipërisë, duke prodhuar një futboll tepër tërheqës me Vllazninë.
Brdaric do të zyrtarizohet ditën e sotme si tekniku i ri me misionin për të rikthyer titullin kampion.
Trofe që tifozerisë së zjarrtë shkodrane i mungon prej vitit 2001. Sukses të cilit ish-sulmuesi i kombëtares gjermane iu afrua aq shumë në sezonin e parë me Vllazninë.
