Studim: Gratë kanë më pak gjasa të shërohen plotësisht nga COVID-19

Ndikimet negative shëndetësore nga rastet e rënda të COVID-19 vazhdojnë të prekin shumë njerëz edhe dy vjet pas kontraktimit të sëmundjes, duke e bërë urgjente zhvillimin e trajtimeve, ka treguar një studim në Mbretërinë e Bashkuar i publikuar të dielën.

“Pa trajtime efektive, COVID-i i gjatë mund të bëhet një gjendje e re shumë e përhapur afatgjatë”, tha Christopher Brightling nga Universiteti i Leicester, i cili bashkëdrejtoi studimin, botuar në revistën Lancet Respiratory Medicine.

Studimi, që përfshin gjithsej më shumë se dymijë e 300 njerëz, tregoi se vetëm 26 për qind e atyre që ishin shtruar në spital me COVID-19 raportuan një shërim të plotë pas pesë muajsh dhe vetëm 28.9 për qind pas një viti të plotë.

Sipas studimit, gratë kishin 33 për qind më pak gjasa se burrat për të bërë një shërim të plotë nga COVID.

Ata që kërkonin ventilim mekanik gjatë qëndrimit në spital dhe njerëzit obezë ishin edhe më të rrezikuar.

Simptomat më të zakonshme të raportuara nga të sëmurët prej kohësh me COVID ishin gulçimi, lodhja, dhimbjet e muskujve, problemet me gjumin, dobësia e gjymtyrëve dhe dëmtimi i shëndetit mendor.

Brightling tha se kishte një nevojë urgjente për shërbime të kujdesit shëndetësor për të mbështetur këtë popullatë të madhe dhe në rritje të shpejtë të pacientëve.

Edhe një vit pas daljes nga spitali, shumë njerëz që vuajnë nga COVID për një kohë të gjatë shfaqin simptoma serioze, duke përfshirë zvogëlimin e kapacitetit të ushtrimeve dhe ulje të mëdha të cilësisë së jetës në lidhje me shëndetin.

Të fundit

Foshnja 4-muajshe në gjendje të rëndë, arrestohet edhe nëna shqiptare në Greqi, dyshohet për dhunë

Një foshnjë shqiptare, vetëm katër muajshe ndodhet e shtruar e intubuar...

U raportua i zhdukur 43 vjeçari nga Tetova me probleme shëndetësore

Policia e Tetovës informoi se me 25 shtator 2022...

Përfshihet nga flakët një barakë druri në Tetovë

Zjarrfikësit e Tetovës sot ndërhynë në një zjarr në...