Arbëreshët rikthehen në Krujë, kujtohet 555 vjetori i çlirimit të qytetit

Pasardhës së gjakut të Skënderbeut, arbëreshët e Italisë u rikthyen në Krujë.

Erdhën për të përkujtuar çlirimin e qytetit dhe 555 vjetorin e fitores së ushtrisë së Skënderbeut kundër forcave osmane.

Ky manifestim i përvitshëm mban emrin “Vallja e Fitores”.

Arbëreshët e kanë praktikuar për më shumë se pesë shekuj pas shpërnguljes në Itali.

Ndalni vajtimin për të rënët dhe shijoni gëzimin e fitores, ka qenë mesazhi i kësaj feste.

“Pa Gjergj Kastriotin nuk do të kishte Shqipëri.”

Pasardhës së prijësit shqiptar, Gjergj Kastriot Skënderbeut, thonë se vijojnë të mbajnë gjallë traditat.

“Unë kam gjakun e Skëndërbeut, kam gjakun arbëresh, kam gjakun shqiptar.”

Me rastin e 555 vjetorit të çlirimit të tretë dhe përfundimtar të Krujës u përurua busti i komandantit të ushtrisë arbërore, Tanush Topia dhe sheshi me të njëjtin emër në oborrin e brendshëm të kështjellës së Krujës.

Beteja për çlirimin e Krujës nisi në Ditën e Pashkës, më 22 prill 1467 ndërsa ditën e tretë të betejës së përgjakshme, të martën, më 24 prill 1467, ushtria arbërore korri fitoren e lavdishme.

Image

Të fundit

Kriza energjetike, Rama: Ndihma e BE-së ndaj Ballkanit Perëndimor mos të ketë diferenca

Kryeministri i Shqipërisë, Edi Rama, pas takimit të Komunitet...

Bekteshi: Nesër takim me kompaninë për furnizim me gaz natyror

Ekipi qeveritar i Maqedonisë i udhëhequr nga kryeministri Dimitar...

Masat e reja anti-krizë, Bekteshi: Do të ndihmohen qytetarët dhe kompanitë që prodhojnë ushqime bazë

Ministria e Ekonomisë ka filluar komunikimin me kompanitë e...