E bujshme, UEFA-s i jepet drita e gjelbër për të sanksionuar Realin, Juventusin dhe Barcelonën

Gjigantët evropianë si Real Madridi, Barcelona dhe Juventusi tani mund të përballen me sanksione nga UEFA pasi masat paraprake kundër dënimeve të tilla u hoqën nga një gjykatë e Madridit.

Reali, Barça dhe Juventusi janë ende tri klubet të cilat janë të përkushtuara në projektin e Super Ligës së Evropës, i cili ishte bërë publik vitin e kaluar, kështu duke u larguar nga Liga e Kampionëve, përcjell KosovaPress.

Nëntë klube të tjera, përfshirë këtu gjashtë sosh nga Premier Liga, u tërhoqën nga ideja e marrjes pjesë në këtë garë, për shkak të protestave dhe presionit nga tifozët e tyre.

Fillimisht, UEFA ishte ndaluar që të sanksionojë skuadrat e përfshira, por tani këto masa janë larguar nga gjykatësja e Gjykatës Komerciale të Madridit, Sofia Gil Garcia.

“Tani, është në dorën e organeve disiplinore dhe gjykatësve të pavarur të CAS që të vendosin për sanksionimet e mundshme drejt klubeve në fjalë”, shkruante në një komunikatë zyrtare të gjykatës drejt “L’Equipe”.

Ndërkaq, një person brenda UEFA-s tregoi që pas heqjes së masës nga gjykata, organi qeverisës më i madh evropian tani është duke menduar për sanksionet.

“Sot, UEFA ka pranuar vendimin e gjykatës së Madridit, e cila ka hequr masat e sigurimit në tërësi. UEFA e mirëpret këtë vendim dhe është duke konsideruar implikimet e radhës. UEFA nuk do të bëjë ndonjë komentim tjetër në vazhdim”, tha një përfaqësues i UEFA-s.

Të fundit

Kriza energjetike, Rama: Ndihma e BE-së ndaj Ballkanit Perëndimor mos të ketë diferenca

Kryeministri i Shqipërisë, Edi Rama, pas takimit të Komunitet...

Bekteshi: Nesër takim me kompaninë për furnizim me gaz natyror

Ekipi qeveritar i Maqedonisë i udhëhequr nga kryeministri Dimitar...

Masat e reja anti-krizë, Bekteshi: Do të ndihmohen qytetarët dhe kompanitë që prodhojnë ushqime bazë

Ministria e Ekonomisë ka filluar komunikimin me kompanitë e...