I dënuar me 6 vite burg për mashtrime me kreditë, ekstradohet 48-vjeçari nga Zvicra drejt Shqipërisë

Një 48-vjeçar i shpallur në kërkim ndërkombëtar nga autoritetet shqiptare, është ekstraduar nga Zvicra drejt vendit tonë.

Sipas policisë, është ekstraduar Avni Buci 48-vjeç. Në vitin 2017, gjykata e Tiranës e ka dënuar me 6 vite burg për veprën penale mashtrimi me kredi.

Avni Buci, gjatë periudhës 2008-2011, në mënyrë të përsëritur, ka përfituar shuma të konsiderueshme parash dhe automjete, duke mashtruar persona të ndryshëm fizikë dhe juridikë.

Njoftimi i policisë:

Vijon bashkëpunimi me homologët, për lokalizimin, kapjen dhe ekstradimin e personave të shpallur në kërkim ndërkombëtar.

Ekstradohet nga Zvicra drejt vendit tonë, një shtetas shqiptar i shpallur në kërkim për mashtrim me pasoja të rënda, të kryer në mënyrë të përsëritur.

Nga Zyra Qendrore Interpol Tirana, falë bashkëpunimit me homologët zviceranë, u bë ekstradimi nga Zvicra drejt vendit tonë, i shtetasit:

Avni Buci, 48 vjeç.

Ky shtetas ishte shpallur në kërkim ndërkombëtar, në bazë të vendimit penal të datës 21.06.2017, të Gjykatës së Apelit Tiranë, e cila e ka dënuar ketë shtetas, me 6 vjet burgim, për veprat penale “Mashtrimi”, me pasoja të rënda, kryer më shumë se një herë dhe “Mashtrimi me kredi”.

Shtetasi Avni Buci, gjatë periudhës 2008-2011, në mënyrë të përsëritur, ka përfituar shuma të konsiderueshme parash dhe automjete, duke mashtruar persona të ndryshëm fizikë dhe juridikë.

Të fundit

Nagavci akuzon komunat se po bëjnë politikë me mësimdhënësit e shkollat, në dëm të Qeverisë

Në Kosovë po vazhdon greva në arsim, derisa palët...

Pendarovski: Boshnjakët janë pjesë përbërëse e shoqërisë!

Presidenti Stevo Pendarovski sot u ka dërguar urim pjesëtarëve...

Xhaferi: Boshnjakët janë pjesë e pandashme e shtetit tonë të përbashkët

Kryetari i Kuvendit, Talat Xhaferi u drejtoi urime pjesëtarëve...