Rusia përdori armë kimike, vjen reagimi nga Amerika

Sekretari i Shtetit, Anthony Blinken, thotë se SHBA-të nuk janë në gjendje të konfirmojnë raportet se forcat ruse kanë përdorur armë kimike në qytetin port të rrethuar jugor, Mariupol, shkruan BBC, përcjell “Bota sot”

Megjithatë, Blinken thotë se SHBA ka “informacion të besueshëm” se Rusia “mund të përdorë… agjentë kimikë” në qytetin e rrethuar.

“Ne e ndajmë atë informacion me Ukrainën… dhe jemi në bisedime të drejtpërdrejta me partnerët për të provuar se çfarë po ndodh në të vërtetë, kështu që ky është një shqetësim i vërtetë,” thotë Blinken.

Organizata për Ndalimin e Armëve Kimike (OPCW) ka thënë gjithashtu se është e shqetësuar nga raporti i pakonfirmuar i përdorimit të armëve kimike dhe se po monitoron situatën nga afër.

Verifikimi i pretendimeve të regjimentit Azov të Ukrainës se tre ushtarë u plagosën nga “një substancë helmuese” në një sulm të djeshëm është shumë e vështirë, pasi Mariupol është ende i rrethuar nga forcat ruse.

Të fundit

Arrestohet shkupjani 20 vjeçar, dyshohet për 6 vjedhje

Dje në ora 19:00, policia ka arrestuar 20 vjeçarin...

Nuredini: Edhe në kohë krize, të kujdesemi për ambientin

Edhe në rrethana të krizës globale energjetike po bëhen...