Cila është koha e duhur për t’u zgjuar nga gjumi dhe për të fjetur

Nëse po flini në orën 5 të mëngjesit, dhe zgjoheni për të shkuar në punë në 5 të mëngjesit, atëherë ky model joefikas i gjumit mund të ndikojë në jetën e përditshme.

Por çfarë duhet të bëni për të përmirësuar gjumin tuaj?

Profesori Colin Espie në Departamentin e Nuffield të Neuroshkencës Klinike në Universitetin e Oksfordit, ka një strategji se cila është metoda më e mirë për gjumë të rehatshëm.

“Ne e dimë nga përvoja e përditshme, se koha kur flemë është e ndryshme, si rezultat i punëve tona ose ndryshimeve në stilin e jetës. Gjumi i dobët ose i pamjaftueshëm mund të ndikojë në gjithçka në jetën tonë të përditshme, në gjendjen shpirtërore dhe mënyrën sesi bashkëveprojmë me njerëzit në punë.”

Sidoqoftë, kur të vijë momenti për të fjetur, Espie shpjegon se çfarë duhet të bëjmë.

”Është e rëndësishme që të mos mbërtheheni me idenë e një gjumi që i përshtatet të gjithëve, sepse individët e ndryshëm kanë edhe mënyrën e gjumit të ndryshme. Shumica prej nesh qëndrojë deri natën vonë, ndërsa ka njerëz që flenë shumë herët”.

Ai tha se secili individ duhet ”të zbulojë atë që i nevojitet personalisht dhe pastaj ta shndërrojë atë në një zakon të përsëritur.

Të fundit

Sa orë gjumë duhet të bëjnë bebet?

Rekomandimet për orët e nevojshme të gjumit tek fëmijët...