Si ta përgatisni ashuren perfekte?

Sot është dita e Sulltan Nevruzit dhe ndër gatimet që nuk mungojnë në tryezat e besimtarëve janë byreku me monedhën brenda, mishi i pjekur dhe ëmbëlsira si sultjashi dhe ashureja. Sot po ju sjellim pikërisht recetën e ashures, sipas Erida Kabashit.

Përbërësit që ju duhen:

300 gr grurë

2-3 litër ujë

1 gotë sheqer (ose më shumë, sipas preferencës)

Shkopinj kanelle dhe pluhur për dekorin sipër.

Fruta të thata: arra, stika, rrush etj.

Mund t’i shtoni edhe disa kokrra shege.

Për ta trashur ju nevojiten:

3 lugë gjelle niseshte

Gjysmë gote ujë

Mënyra e përgatitjes:

Vendosni grurin të ziejë përreth 1 orë e gjysmë në zjarr nën mesataren. Nëse shihni se shteron, i shtoni pak ujë herë pas here. Kur shihni se gruri është zier (provojeni), shtoni sheqerin dhe shkopat e kanellës. Ndërkohë në një enë tresni niseshtenë me ujë dhe e shtoni te gruri. Shtoni dhe frutat e thata të grira dhe lërini disa minuta, derisa shihni që masa bëhet kremoze. Nuk duhet të trashet shumë, por as nuk duhet të jetë e hollë (si në video). Hidheni në gota dhe lëreni të mpikset për disa orë. Sipër mund t’i hidhni çfarë të doni për ta dekoruar dhe shijuar.

Ju bëftë mirë!

Të fundit

​Sot mësohen dy çerekinalistët e fundit të Botërorit

Me dy ndeshjet që do të zhvillohen sot, do...

Sekreti për t’u bërë i pasur: Jetoni nën mundësitë tuaja!

Është e mërzitshme, por kjo nuk do të thotë...