Kush është batalioni Azov që mbron Mariupolin dhe nga është origjina e tij?

Për javë të tëra, qyteti port jugor i Mariupolit i ka rezistuar një sulmi rus, i mbrojtur nga një batalion nacionalist prej rreth 800 vullnetarësh.

Batalioni Azov u formua për t’i rezistuar separatistëve të mbështetur nga Rusia që pushtuan zonat e Ukrainës lindore në vitin 2014. Ai e ka marrë emrin nga Deti i brendshëm i Azov, mbi të cilin shtrihet Mariupol, raporton BBC, përcjell Bota sot.

Për ukrainasit këta mbrojtës janë heronj, duke u përballur me pushtuesit shumë më të shumtë të Rusisë dhe duke humbur jetën në një bombardim që ka vrarë mbi 2000 civilë të Mariupolit dhe ka dëmtuar deri në 90% të ndërtesave të tij.

Për Rusinë ata janë neo-nazistë dhe origjina e tyre qëndron në një grup neo-nazist të quajtur Patriotët e Ukrainës. Ata mbajnë shenja pagane ëolfsangel, e cila përdorej nga njësitë famëkeqe naziste SS dhe favorizohet nga neo-nazistët. Por batalioni thotë se përfaqëson thjesht shkronjat e para të sloganit Ideja Kombëtare.

Udhëheqësit e parë ekstremistë të vullnetarëve të Azov tani janë zhdukur dhe batalioni është pjesë e Gardës Kombëtare të Ukrainës, nën mbikëqyrjen dhe komandën formale të qeverisë, thonë zyrtarët lokalë.

Ukraina ka goditur neo-nazistët në vitet e fundit dhe nuk ka parti nacionaliste në parlament, përcjell Bota sot.

Batalioni aktualisht tërheq një përzierje të gjerë nacionalistësh, ultranacionalistësh dhe të rinjsh të tjerë të bashkuar nga një urrejtje për Rusinë. Gjysma e tyre vijnë nga lindja dhe shumë janë rusishtfolës./Botasot

Të fundit

Argjentina në presion

Edhe dita e sotme do të rezervojë katër duele...

​“Funerali i mbylljes së degëve”, studentët ‘homazhe’ për zbrazjen e universiteteve në Shqipëri

Qëndresa qytetare dhe studentët kanë vendosur dy pllaka varri...