Nuredini: Menaxhimi i Parqeve Kombëtare duhet të modernizohet

Ministri i Mjedisit Jetësor dhe Planifikimit Hapësinor, Naser Nuredini, së bashku me ambasadoren e Mbretërisë së Bashkuar, Rachel Galloway, hapën sot punëtorinë “Sfidat dhe potencialet për zhvillimin e qëndrueshëm të parqeve kombëtare në Maqedoninë e Veriut” e cila u organizua nga Shoqata Maqedonase Çivning dhe u mbajt në Parkun Kombëtar të Mavrovës.

Qëllimi i punëtorisë është të hartojë sfidat me të cilat përballen parqet kombëtare, si bazë për hartimin e aktiviteteve të projektit që do të kontribuojnë në menaxhimin më të mirë të tyre, mbrojtjen më të mirë të vlerave natyrore, por edhe zhvillimin e qëndrueshëm të zonave të mbrojtura në të ardhmen.

“Mbrojtja e natyrës është një nga prioritetet më të mëdha të Ministrisë sonë, por edhe vizioni im personal se si duhet të jetë zhvillimi socio-ekonomik në të ardhmen në vendin tonë. Në dy vitet e fundit, për herë të parë në historinë e pavarësisë , arritëm të shpallim parkun e ri kombëtar të Malit Sharr dhe një sërë zonash të tjera të mbrojtura, duke rritur përqindjen e zonave të mbrojtura në vend nga 8.9 në 13.9 përqind. Por pas procesit të shpalljes pasojnë proceset përkatëse të menaxhimit. “Ne si vend kemi një traditë të menaxhimit të zonave të mbrojtura prej mbi 70 vitesh, por duhet të jemi të vetëdijshëm se duhet të punojmë më shumë në përmirësimin e vetëmbrojtjes, si dhe në modernizimin e mënyrës së funksionimit dhe shfrytëzimit të potencialeve zhvillimore të këtyre zonave”, tha ministri në fjalimin e tij.

Të fundit

Argjentina në presion

Edhe dita e sotme do të rezervojë katër duele...

​“Funerali i mbylljes së degëve”, studentët ‘homazhe’ për zbrazjen e universiteteve në Shqipëri

Qëndresa qytetare dhe studentët kanë vendosur dy pllaka varri...