15 vende evropiane ndalojnë fluturimet ruse nga hapësira e tyre ajrore

Qeveria italiane njoftoi të dielën se po mbyllte hapësirën e saj ajrore ndaj Rusisë, pas një sërë vendesh të tjera të BE-së, ndërsa ato forcojnë sanksionet kundër Rusisë për pushtimin e saj në Ukrainë.

Masa përfshin ndalimin e të gjithë avionëve civilë ose ushtarakë që vijnë nga Rusia ose që i përkasin një kompanie ruse.

“Italia ka mbyllur hapësirën e saj ajrore ndaj Rusisë”, thuhet në një deklaratë nga zyra e kryeministrit italian, Mario Draghi.

Italia është ndër 14 vendet e BE-së, duke përfshirë Francën, Belgjikën, Gjermaninë, Finlandën, Slloveninë, Lituaninë, Bullgarinë, Letoninë, Estoninë, Republikën Çeke dhe Poloninë që kanë mbyllur hapësirën e tyre ajrore për avionët rusë. Mbretëria e Bashkuar mbylli hapësirën e saj ajrore për fluturimet ruse javën e kaluar.

Moska u përgjigj duke mbyllur hapësirën e saj ajrore për fluturimet komerciale dhe tranzite nga vendet e BE-së, me masën që deri më tani synonte aeroplanët e lidhur ose të regjistruar në Letoni, Lituani, Estoni, Slloveni, Bullgari, Poloni dhe Republikën Çeke.

Austrian Airlines tha të shtunën se po anulonte fluturimet për në Rusi dhe po shmangte hapësirën ajrore ruse për të paktën shtatë ditë. Swiss International Air Lines po ruan fluturimet për momentin.

Të fundit

Kasami harron parkingjet në kate, punimet në Tetovë si skenar telenovelash turke!

Në fushatën zgjedhore të zgjedhjeve lokale, kreu aktual i...

Mblidhet Komisioni Hetimor për Energji për periudhën 2006-2022

Komisioni Hetimor Parlamentar në lidhje me procesin e vendimmarrjes...

Panair rajonal “Bukuritë e rajonit Sharr – Korab – Koritnik”

Shkup, 28 shtator – Shoqata ekologjike e Maqedonisë së...