Afrikanët që ikin nga Ukraina raportojnë për diskriminim në kufi

Afrikanët që përpiqen të arratisen nga Ukraina po ankohen për vështirësi dhe diskriminim në kufijtë tokësorë në BE.

Ruqqaya, një studente nigeriane e mjekësisë që studionte në universitet në Kharkiv, eci për 11 orë gjatë natës për të mbërritur në Medyka-Shehyni, në kufirin me Poloninë këtë mëngjes.

Në kufi, rojet kufitare i thanë asaj të priste pasi ukrainasit duhej të kalonin fillimisht.

Ajo thotë se ka parë autobusë me njerëz, të cilët ajo i përshkroi si të bardhë, duke u lejuar të kalojnë kufirin, ndërsa vetëm një pjesë e vogël e afrikanëve janë përzgjedhur nga radha, raporton BBC.

Ruqqaya po përpiqet të shkojë në Varshavë për të kapur një fluturim që ajo ka rezervuar për në Nigeri.

Një grup tjetër studentësh thonë se janë bllokuar në kufirin me Przemysl, ku rojet kufitare ukrainase nuk do t’i lejojnë ata të kalojnë.

Kjo nuk po u ndodh ukrainasve”, thotë Timothy Adegbile, një student i mjekësisë në Lviv.

Megjithatë, një zëdhënës i forcave kufitare polake thotë: “Të gjithë ata që mbërrijnë në kufirin polak nga Ukraina lejohen të hyjnë pavarësisht nga kombësia”.

Të fundit

Shkolla në Deçan zëvendëson grevën me protestë

Shkolla “Lidhja e Prizrenit” në komunën e Deçanit do...

Foshnja 4-muajshe në gjendje të rëndë, arrestohet edhe nëna shqiptare në Greqi, dyshohet për dhunë

Një foshnjë shqiptare, vetëm katër muajshe ndodhet e shtruar e intubuar...

U raportua i zhdukur 43 vjeçari nga Tetova me probleme shëndetësore

Policia e Tetovës informoi se me 25 shtator 2022...